Қазақстанда тағы екі телеарна міндетті каналдар қатарына қосылады
Қазір еліміз бойынша көрсетілуі міндетті он бес телеарна бар
Мәдениет және ақпарат министрлігі тағы екі телеарнаны міндетті каналдар қатарына қоспақ. Бұл туралы Ашық нормативтік-құқықтар сайтындағы бұйрықтан белгілі болды, деп хабарлайды jambylinfo.kz.
«Міндетті теле-, радиоарналардың тізбесін бекіту туралы» Қазақстан Республикасы Ақпарат және қоғамдық даму министрінің 2019 жылғы 17 маусымдағы № 171 бұйрығына (нормативтік құқықтық актілерді мемлекеттік тіркеу тізілімінде № 18861 болып тіркелген) тиісті толықтыру енгізуді көздеген министрлік «ATAMEKEN BUSINESS» және «НТК» арналарын міндетті телеарналар қатарына қоспақ.
Өзгеріс 2024 жылғы 29 ақпанға дейін қоғам талқылауына ұсынылған.