Қазақстанда өзбек халқының ұлы ойшылына ескерткіш ашылады
Биыл Қазақстанда Өзбекстанның мәдени күндері өтеді
Қазақстан астанасында өзбек ақыны Әлішер Науаидің ескерткіші ашылады. Бұл туралы премьер-министрдің орынбасары – сыртқы істер министрі Мұрат Нұртілеу мәлімдеді, деп хабарлайды Jambylinfo.kz.
Сондай-ақ Өзбекстан сыртқы істер министрі Бахтиер Саидов биыл Қазақстанда Өзбекстанның мәдениет күндері ұйымдастырылатынын атап өтті.
Естеріңізге сала кетсек, бүгін Өзбекстан сыртқы істер министрі Бахтиер Саидов Астанаға ресми сапармен келді. Премьер-министрдің орынбасары – сыртқы істер министрі Мұрат Нұртілеу өзбек әріптесімен екіжақты келіссөз өткізді. Сапар бағдарламасына сәйкес Саидов Қазақстан президентімен де кездеседі.