Асхат Аймағамбетов сүйінші жаңалық айтты
Бұл туралы Асхат Аймағамбетов әлеуметтік желідегі парақшасында жазды
Қазақстанда мектептер мен лагерьлерді санитарлық тексеру кезінде, директорларды қаржылық қиындыққа байланысты туындаған бұзушылықтар үшін жауапқа тартпайтын заң түзетулері әзірленуде, деп хабарлайды Jambylinfo.kz
Бұл туралы ҚР Парламенті Мәжілісінің депутаты Асхат Аймағамбетов өзінің әлеуметтік желідегі парақшасында жазды.
Оның айтуынша, соңғы жылдары шынайы бақылау көбіне формалдылыққа айналған:
Тексерістер алдын ала келісуді талап еткен;
Көптеген рұқсат құжаттарын жинау қажет болған;
Директорларға тікелей кінәсі болмаған жағдайда да айыппұл салынған;
Алдын алу шаралары формалды рәсімдердің артында қалып отырған.
Депутат атап өткендей, ұсынылған түзетулер осы кемшіліктерді жоюға бағытталған. Негізгі жоспарланған өзгерістер мыналар:
Алдын ала хабарландырусыз күтпеген тексерістер енгізіледі.
Бірінші тексерісте айыппұл қолданылмайды – тек ескерту, кеңес және ұсыныстар беріледі.
Мектептер мен лагерьлердің жоспарлы тексерістері оқу жылы басталмас бұрын жүргізіледі.
Қаржылық шығынды қажет ететін бұзушылықтар үшін жауапкершілік директорға емес, шешімге тәуелді әкімдік немесе басқа органға жүктеледі.
Өмірге немесе денсаулыққа қауіп төнген жағдайда тез арада шаралар қабылданады: уақытша жабу немесе қызметкерлерді уақытша қызметінен алу.
Мектеп тағамын жеткізушілердің арнайы тізілімі енгізіледі: сенімсіз мердігерлер тізімнен шығарылады.