Қазақ жігіті Эйфель мұнарасында қызына ұсыныс жасап, Франция президентінің көзіне түсті
Ұсыныс жасаған жігіт Қазақстандағы танымал қоғам белсендісі, экономист Мұхтар Тайжанның ұлы
Танымал қоғам белсендісі, экономист Мұхтар Тайжанның ұлы Санжар Тайжан Эйфель мұнарасында болашақ жарына ұсыныс жасап, Франция президенті Эммануэль Макронның құттықтауына ие болды, деп хабарлайды jambylinfo.kz.
Бейнежазбада көрініп тұрғандай, Санжар Тайжан мен оның қалыңдығы Макронды көргендеріне қатты қуанған. Бойжеткен Макронға Санжар Тайжан сыйлаған жүзікті көрсетіп, бақытты екендерін білдірді.
Екі жасты құттықтаған Франция президенті екі жастың қай елден екендерін сұрап, "Қазақстан", "Президент Тоқаев" деген сөздерді естіген соң, қазақ елін бірден есіне алды. Макрон қазақ елін жақсы білетінін, Қазақстанға сапарлатқанын және жуырда президент Қасым-Жомарт Тоқаев сыйлаған тазы күшіктерін есіне алады.