Мамандардың айтуынша, әлеуметтік желіде ұзақ отыру – балалар арасындағы күйзеліс деңгейінің 35%-ға өсуіне себеп болған, деп хабарлайды Jambylinfo.kz 

Зерттеу 11–12 жастағы балаларға жүргізілген. Егер бұл жастағы жеткіншектер кибербуллингке ұшыраса, келесі жылы олардың суицидке итермелейтін ойлары мен әрекеттері 2,6 есе артады екен. Сонымен қатар, мұндай жағдайларға тап болған балаларда есірткі, никотин және алкогольге әуестену қаупі де жоғары болатыны анықталған.

Дәрігерлер ата-аналарға балаларымен ашық әңгімелесіп, гаджет алдында өткізетін уақытты шектеуді ұсынады. Әсіресе ұйықтар алдында және отбасымен бірге ас ішетін сәттерде экраннан алыстау – маңызды. Сондай-ақ арнайы «медиа жоспар» құру да бала денсаулығын сақтауда үлкен рөл атқарады.