17 мамырда әлеуметтік желіде белгісіз автордың бейнежазбасы жарияланып, таралып үлгерді. Онда оңтүстік астананың полиция қызметкерлері жүргізушіден ақша алу сәті таспаланған, деп хабарлайды jambylinfo.kz

Бейнежазбаға зер салсақ, шетелдік азаматтан тәртіп сақшысының ақша алған сәтін көруге болады. Еліміздің сыбайлас жемқорлыққа қарсы күрес агенттігі осы бейнежазбаға қатысты комментарий берді. 

«Сыбайлас жемқорлыққа қарсы қызмет көрсетілген жарияланымға уақытылы ден қойып, шетелдік азаматқа қатысты әкімшілік сипаттағы шаралар қолданбағаны үшін пара алу фактісі бойынша Алматы қаласы полиция департаментінің қызметкерлеріне қатысты сотқа дейінгі тергеуді тіркеді»,- деп хабарлады Антикор.