"33 ит ауланды". Жамбылда қаңғыбас иттер мүгедек қызға шабуыл жасады
Бұл өңірде биыл орын алған бір ғана оқиға емес
1 наурыз күні Таразда мектеп оқушысын 5 бұралқы ит талап, ол ауруханаға түскен. Ал күні кеше Таразда мүмкіндігі шектеулі қызға бір топ қаңғыбас ит шабуыл жасаған, деп хабарлайды jambylinfo.kz
«Жамбыл облысының ветеренариялық станциясы» директорының уақытша міндетін атқарушы Ғабитбек Кебеевтің айтуынша, 27 ақпан күні Айша бибі ауылында орын алған оқиға бойынша дәл сол күні 33 бұралқы ауланып, көзі жойылған. Ал, зардеп шеккен Әсел Мұсаева ауруханаға түскен. Оған дәрігерлер алғашқы медициналық көмек көрсетіп, үйіне қайтарған. Ветеренария басқармасына қарасты мекеме анықтағадай, ауыл тұрғынына тіс батырған ит құтырмаған болып шыққан. Айтып өткеніміздей, бұл биыл Жамбылда орын алған жалғыз оқиға емес. 1 наурыз күні Тараз қаласындағы Барысхан алқабында 4-5 ит Байсал Әсетхан есімді мектеп оқушысына шабуыл жасаған. Дәл сол күні JAMBYL-109 диспетчерлік орталығы жеделдік танытып, оқиға болған орыннан 33 үй жануары аулаған екен.
Ғабитбек Кебеевтің сөзінше, адамдарға шабуыл жасайтын қаңғыбас иттер емес, иесі бар иттер екен.