Қазақстан маусымның соңына дейін мұнайдың тәуліктік өндірісін ерікті қысқарта береді
Қазақстан мұнай өндірісін күніне 82 мың баррельге қосымша ерікті қысқарту мерзімін 2024 жылдың екінші тоқсанына дейін ұзартты, деп хабарлайды jambylinfo.kz Энергетика министрлігінің баспасөз қызметіне сілтеме жасай отырып.
Осыған сәйкес, Қазақстан маусымның соңына дейін тәулігіне 1,468 млн баррель мұнай өндіріп тұрады.
Бұл ерікті қысқартуды Қазақстан бұрын 2023 жылдың сәуірінде жариялаған. Ерікті қысқарту шарасы мұнай нарықтарының тұрақтылығы мен тепе-теңдігін сақтау мақсатында ОПЕК+ елдерінің сақтық шараларын күшейтуге арналған.