22 қазан, бейсенбі күні облыс әкімінің орынбасары Берік Нығмашевтың төрағалығымен азық-түлік бағаларын тұрақтандыру штабының отырысы өтті. Онда негізгі азық-түлік бағасын тұрақтандыруға бағытталған шаралардың орындалу барысы қаралды. Жиын барысында ауыл шаруашылығы басқармасының бөлім басшысы Марс Сейдыбаев, Тараз қаласы әкімінің орынбасары Қайсар Сарытай азық-түлік тауарлары бағаларын тұрақтандыру бағытында қабылданған шаралар жөнінде баяндама жасады. Жиын соңында облыс әкімінің орынбасары Берік Нығмашев тиісті сала басшылары мен жауапты мамандарға тұрақтандыру қорын пайдалану мен қалыптастырудың жоспарын әзірлеп ұсынуды, бағалары көтерілген әлеуметтік азық-түліктерге талдау жүргізіп, заңға сәйкес бағаны тежеу шараларын қабылдауды тапсырды.