Париж Олимпиадасында екі дүркін чемпион атанған  Баходир Жалолов Париждің ауруханасында жатқан Толқын Қылышевке барды, деп  хабарлайды Jambylinfo.kz.

Бұл туралы Баходир Жалолов желідегі парақшасына жазды.

Өз кезегінде Толқын Қылышев екі дүркін Олимпиада чемпионы атанған шәкіртін құттықтап, жылы лебізін білдірген.

Париж Олимпиадасында Баходир Жалоловтан басқа төрт бірдей алтын жүлде алған өзбек боксшылары да  Париж ауруханасында жатқан құраманың бас бапкері Толқын Қылышевтің жағдайын сұрап, команданың тарихи жетістігімен құттықтап қайтқан.

Еске салайық, Өзбекстан құрамасы бокстан 7 салмақ бойынша бақ сынаса, оның  5-еуі алтын жүлде иеленді. Соның ішінде Баходир Жалолов (92 келіге дейін) пен Хасанбой Дусматов (51 келіге дейін) екі дүркін Олимпиада чемпионы атанды.