Елімізде бүгін Спорт күні аталып өтіліп жатыр
Бүгінде 8 млннан астам қазақстандық тұрақты түрде спортпен шұғылданады
Қазақстанда жыл сайын тамыз айының үшінші жексенбісінде Спорт күні аталып өтіледі, деп хабарлайды Jambylinfo.kz.
Zakon.kz-тің жазуынша, елімізде 4 олимпиадалық даярлық орталығы және 19 олимпиадалық резервті дайындау орталығы бар.
Бүгінде 8 млннан астам қазақстандық тұрақты түрде спортпен шұғылданады.
Бұл жалпы халықтың 40,4%-ына тең, оның 3 млн-нан астамы ауыл тұрғындары. 300 мыңға жуық бала мен жасөспірім 780-нен астам балалар мен жасөспірімдер дене шынықтыру клубтарында спортпен айналысады.
Республикада жыл сайын әртүрлі деңгейде 25 мыңнан аса спорттық-бұқаралық іс-шара тұрақты түрде өткізіледі. Оған 1,2 млн адам тартылады. Ауылдық жерлерде тұратын 500 мың адам да аталған іс-шаралардан сырт қалмайды. Әсіресе, кейінгі жылдары жүгіру, марафон, велошеру мен веломарафон, спорттық фестиваль секілді жарыстар мен отбасылық іс-шаралар халық арасында кең таныла бастады.