Жұмабек Өмірзақов Геннадий Головкиннің ҰОК президенті ретіндегі жұмысына, жақында жұмысынан босатылған Жанар Өтешоваға қатысты пікірін айтты, деп хабарлайды Jambylinfo.kz

«Время» қоғамдық-саяси газетіне берген сұхбатында Жұмабек Өмірзақов даңқты боксшыны Афина Олимпиадасының финалындағы жеңілісінен кейін құрметтеуді қойғанын айтқан.

- Бір нәрсе айта аламын. Головкин ақшаға өте жақын адам. Неліктен? Ол кәсіби боксшы, ол ақша үшін жұмыс істейді. Ол Жанармен түсінісе алмады . Бір кездері Головкин өзінің жаттықтырушысы Абель Санчеспен ақша үшін келісе алмады. Мұнда біреу біреуге уәде берген және  сол уәдені орындамаған сияқты. Менің ойымша, олардың Олимпиада ойындарына қатысты келіспеушіліктері болған жоқ. Бізде спорттағы барлық нәрсе ақшамен шешіледі. Ұтыстар - ақшамен, ұтылыстар - ақшамен, медальдар - ақшамен. Головкин мықты боксшы екеніне дау жоқ.  Ал қазір мен оған ҰОК президенті ретінде сенбеймін. Менің ойымша, ол бұл креслода ұзақ отырмайды. Егер қалатын болса, атқарушы комитеттегі «қасқырлар» тарапынан оған Қылмыстық кодекстің қандай да бір бабы ілінеді. Мүмкін солар Өтешованы алып тастаған шығар,- деді Жұмабек Өмірзақов.