Бұл жөнінде Alash Pride лигасының президенті Әлімжан Бектаев мәлімдеді, деп хабарлайды Jambylinfo.kz Penalty.kz-ке сілтеме жасап.

Оның айтуынша, желтоқсан айында елімізде тарихи турнир ұйымдастырылып, онда Майк Тайсон мен ММА аңызы Фёдор Емельяненконың кездесуі өтуі ықтимал. Қазір осы бағытта нақты келіссөздер жүргізіліп жатыр.

— Біз желтоқсан айында Майк Тайсон мен Фёдор Емельяненко арасындағы жекпе-жекті ұйымдастыруды көздеп отырмыз. Қазір бұл бағытта нақты жұмыстар жүргізіліп жатыр. Аталған турнирге Тайсонды арнайы қонақ ретінде шақырғымыз келеді, — деді Әлімжан Бектаев елордада өткен баспасөз жиынында.

Егер жоспар жүзеге асса, бұл оқиға Қазақстанда өтетін ең ірі спорттық шаралардың біріне айналуы мүмкін.