Футболдан Қазақстан ұлттық құрама­­сының және Ресейдің ЦСКА клу­бының жартылай қорғаушысы Бак­тиер Зайнутдинов мәскеулік коман­даның қазан айындағы үздік гол авторы атанды.

ЦСКА клубының Twitter парақшасында хабарланғандай, жанкүйерлер  Бактиер Зайнутдиновтың 3 қазанда сырт алаңда «Урал» командасымен өткен ойында соққан голын қазан айының үздігі деп таныған.

Айта кетейік, қазіргі таңда ЦСКА командасы Ресей чемпионатында 32 ұпаймен көш бас­тап келеді. Жексенбі күні 15-турда Мәскеуде ЦСКА «Сочи» командасымен 1:1 есебімен тең ойнады. Бұған дейін жарақат алып қалған Бактиер Зайнутдинов осы кездесуді толық өткізіп шықты. Бұл оның мәскеулік клуб құрамындағы 11-матчы еді.

egemen.kz