Енді тротуарлар мен жолдарға жарнама жазып кеткендерге айыппұл салынады
Тротуарлар мен жолдарды бояп, жарнама жазып кеткендер жазаланады
Тиісті норма бүгін Мәжілісте таныстырылған елорданы және республикалық маңызы бар қалаларды дамыту мәселелеріне арналған заң жобасы аясында ұсынылды, деп хабарлайды Jambylinfo.kz
Ұлттық экономика вице-министрі Бауыржан Омарбековтің айтуынша, сыртқы жарнаманы жолдар мен көшелерді бояу арқылы орналастыру қалалардың эстетикалық келбетіне теріс әсер етеді. Сондай-ақ, қаланың сыртқы келбетінің нашарлауына қоғамдық орындарда аудио жарнаманың кең таралуы себеп болып отыр. Қазіргі кезде аталған әрекеттер ереже бұзу әрекетіне жатпайды және заңнамада оған қарсы ешқандай әкімшілік шаралар көзделмеген.
Бұл ретте, «Жарнама туралы» Заңы аясында ашық кеңістікте аудио жарнаманы таратуға тыйым салу, сондай-ақ тротуарларда, веложолдарда, автожолдарда және көшелерде сыртқы жарнаманы орналастыруға тыйым салу ұсынылған.