Сотпен тәркіленген 3 үй мен 2 пәтерді жымқырған күдікті ұсталды
Ол өткен жылдан бері шетелде қашып жүрген
Антикор сот үкімімен тәркіленген үш үй мен екі пәтер түріндегі мемлекеттік мүлікті жымқыруға күдікті азаматты Бішкекте ұстады, деп хабарлайды jambylinfo.kz
Сыбайлас жемқорлыққа қарсы қызмет мәлімдегендей, Алматы қаласы бойынша әкімдік пен ҰҚКД лауазымды адамдарының қатысуымен бақылаудағы адамдарға жалған төмен бағамен және белгіленген сауда-саттықсыз жылжымайтын мүлікті сату жолымен жасалған. Бішкек қаласында ұсталған азамат Қырғыз Республикасы ІІМ қызметкерлеріне жеңілдетілген рәсімдер бойынша өз еркімен Отанына оралуға дайындығы туралы хабарлаған.