Жамбыла есірткі тасымалдаумен айналысқан қылмыстық топ мүшелері сотталды

Таразда Қырғызстаннан Қазақстанға есірткі тасымалдаумен айналысып келген қылмыстық топ ұйымдастырды деген күдікпен ұсталған 9 адамға қатысты сот ісі аяқталды.

Сотталушылар 10 жылдан 17 жылға дейін ұзақ мерзімге бас бостандығынан айыру жазасына кесілді.

Естеріңізге сала кетсек, 2019 жылдың қаңтар айында ПД Криминалдық полиция басқармасының қызметкерлері Жамбыл облысы бойынша ҰҚК-мен бірлесіп, Қырғызстаннан Қазақстанға аса ірі көлемде "марихуана" есірткі затын тасымалдаумен айналысқан ұйымдасқан адамдар тобын әшкерелеп, ұстаған болатын.

Жалпы, биыл облыс бойынша барлығы 508 қылмыстық құқық бұзушылық, оның ішінде 85 өткізу, 46 аса ірі көлемде есірткіні сақтау, 3 контрабанда және 26 құрамында есірткі бар өсімдіктерді өсіру дерегі тіркелген.

Заңсыз айналымнан 2,5 тоннадан астам түрлі есірткі заттары, оның ішінде 1,5 келі героин, 55 келі гашиш және 2,5 келіден астам синтетикалық есірткі заттары тәркіленді.