Ақмола облысында жеке үй өртеніп, зейнеткер қаза тапты. Бұл туралы облыстық ТЖД баспасөз қызметі хабарлады. Оқиға кеше кешкісін Макинск қаласының Куйбышев көшесіндегі баспаналардың бірінде болған. Мәліметте көрсетілгендей, өрт сөндірушілер келем дегенше үйдегі заттар мен жиһаздар жанып кеткен екен. Ал қызыл жалынды сөндіру барысында ас бөлмесінен әйел адамның мәйіті табылған. Кейіннен анықталғандай, марқұм 1937 жылы туған үй иесі екені анықталды. Тілсіз жау 20 шаршы метр аумақты шарпыған. Қазір өрттің неден шыққаны зерттеліп жатыр. Оқиға орнында өрт зертханасы мен полицейлер жұмыс істеуде.