Абзал жандар алғыс арқалады

Адам жанының арашасы атанған дәрігерлердің үш қаруы бар. Алғашқысы – пышақ, екіншісі – шөп, үшіншісі – сөз. Яғни, ақ халаттыларға артылар жүк те, жауапкершілік те ауыр. Алайда, олардың ешқайшысы ауырып алдына адам келгенде қара бастың қамын ойлап, тасаға тығылып қалмайды. Сол үшін де оларға деген құрмет бөлек, алғыс көп.

Өңірлік ҚАЖ департаментіне бағынысты №26 түзеу мекемесінде жазасын өтеуші азамат дәрігерлерге арнаған алғыс хатынан осыны анық байқауға болады. ҚР ҚК-нің 249 бабына сай сот үкімімен кінәлі деп танылған ол қант диабетімен сырқаттанған. Осылайша, мекемедегі медициналық қызметкерлергдің көмегіне жүгінген. Енді міне, дертіне дауа табылған ол дәрігерлерге өз алғысын білдіріпті.