Қазіргі таңда өңірімізде "Азық-түлік келісім-шарт корпорациясынан" АҚ астық сатып алынды. Өңдеуден кейін бірінші сұрыпты ұн Тараз қаласының наубайханаларына бір килограммы үшін 130 теңге бағасымен жіберіледі, бұл ұн облыс аудандарына да жеткізіледі. Жоспар бойынша 130 теңгелік ұн 5 мамыр айынан бастап наубайханаларға жеткізіле бастайды. Облысымыздағы халықты қолжетімді бірінші сортты бидай ұнымен қамтамасыз ету мақсатында тұрақтандыру қоры жұмыс жасауда. Бұл ретте тұрақтандыру қорында 73,55 тонна бірінші сұрыпты бидай ұны бар. Қазіргі таңда тұрақтандыру қорын қосымша қалыптастыру үшін 3000 тонна бірінші сұрыпты бидай ұнын сатып алу үшін конкурс өткізілді. Астық пен ұн экспорттық тауарлар болып табылады, осы өнімдерге бағалар әлемдік конъюнктураға байланысты өседі.