Бүгін грек-рим күресінен қазақтан шыққан тұңғыш Олимпиада чемпионы Жақсылық Үшкемпіровтің туғанына 71 жыл толып отыр. Жақсылық Үшкемпіров 1951 жылы 6 мамырда Қазақ КСР-дағы Жамбыл облысы Свердлов ауданының «Чапаев» ауылында өмірге келген. Ол Кеңес Одағының классикалық күресші, КСРО-ның еңбек сіңірген спорт шебері. Үшкемпіров спорттың ең үлкен шыңына 29 жасында қол жеткізді. Ол үлкен спортпен қоштасқаннан кейін бірнеше жыл Қазақстанда, Қытайда бапкерлік қызмет атқарды. 2019 жылы грек-рим күресiнен тұңғыш Олимпиада чемпионы, Әлем чемпионы, Қазақстанның еңбек ерi, «Барыс», «Құрмет» «Парасат» ордендерінің иегері Жақсылық Әмiрәлiұлы Үшкемпiровтің өмірі жайлы көркем фильм түсірілді.