Байзақта 120 пәтерлі екі тұрғын үй пайдалануға берілді
Салтанатты шараға аудан әкімі қатысты
Байзақ ауданында 120 пәтерлі көп қабатты екі тұрғын үй ел игілігіне берілді, - деп хабарлайды jambylinfo.kz
Салатанатты шараға аудан әкімі Олжас Баққараев қатысып, қоныс той иелерін қуанышымен құттықтап, пәтер кілттерін табыс етті.
Екі бірдей жаңа нысанның іргесін қалап, қабырғасын көтерген – мердігер «Бином» ЖШС.
Бір тұрғын үйдің жалпы аумағы 2956 шаршы метр болса, пәтерлердің екі бөлмелісі 33, үш бөлмелісі 65,5 шаршы метр.
Бүгін баспаналы болған жандардың бірі - көпбалалы ана Эльвира Әбибуллаева. Ол 2018 жылдан бері үй кезегінде тұрған.