«Бизнеске жол» жобасы аясында 2000-нан астам кәсіпкердің құқығы қорғалды
Департаменттің ұсынысы бойынша 13 кәсіпкердің несие алуға өтінімдері мақұлданған
Жамбылда «Бизнеске жол» жобасы аясында 2000-нан астам кәсіпкердің құқығы қорғалды. Бұл туралы Жамбыл облысы бойынша өңірлік коммуникациялар қызметінде өткен брифинг барысында ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басшысы Е.Мақажанов мәлімдеді, деп хабарлайды Jambylinfo.kz
«Бизнес жол» жобасы шеңберінде кәсіпкерлердің мемлекеттік органдармен жиі ұштасатын салалар зерделеніп, олар бойынша 11 кейс анықталып, департаменттің ұсынымдарынан кейін 2143 кәсіпкердің құқығы қорғалды.
Мысалы, Жуалы ауданының кәсіпкерлері «Ауыл Ел Аманаты» жобасы шеңберінде 3 айдан астам уақыт бойы жеңілдетілген кредит ала алмаған.
Департаменттің ұсынысы бойынша 13 кәсіпкердің несие алуға өтінімдері мақұлданып, кәсіпкерлердің құқықтары қорғалады.