«Әкесі бөлектейді, ата-анасы ішімдік ішеді, жалғыз анасы қарамайды». Тараздағы арнайы мектептегі балалардың аянышты тағдыры қандай
Қазір бұл мектепте 52 жасөспірім тәрбие алып жатыр
jambylinfo.kz тілшісі Жамбыл облысы әкімдігі Білім басқармасына қарайтын балалар мен жасөспірімдердің арнайы мектебіне ат басын бұрып, тәрбиеленіп жатқан балалардың жағдайымен танысып қайтты.
«Биыл қыз балалар көп түсті»
Мекеменің ішінде оқу ғимараты, шеберхана, жатақхана, асханамен қамтылған. Мұнда бүгінгі таңда тәртіп бұзып, бұзақылық жасаған 11 мен 18 жас аралығындағы 52 жеткіншек тәрбиеленуде. Кәмелет жасына жетпегендер өз өмір жолында сүрінгендерінің себебін отбасында жетіспеген жылылық пен мейірімнің салдарынан деп түсіндірді.
«Атам өлген соң, дүние қызықсыз болып қалды»
Бізбен сөйлескен 15 жастағы Назерке бұл табалдырықты үшінші рет аттап отырғанын айтты. Жеткіншек өзін жақсы көрген атасынан айырылған соң, күйзеліске түскен. Ешкімді көргісі келмей, үйінен қашып кеткен.
«Балалар ата-анамның ішетінін бетіме баса берді»
Ал София тілі қазақша шыққан орыс ұлтының қызы. Оның бар арманы – ата-анасын ішімдіктен айыру.
«Үйден қарағанда көше қызық болды»
Ал Жалғастың анасы жұмысбасты болған. Жалғыз ұлын көше тәрбиелеген.
Арнайы мектептегі балалардың «әкесі»
Арнайы мектепте 15 жылға жуық еңбек еткен Оспанбек Күнтубаев биыл зейнетке шықты. Алайда тәрбиеленушілер «әке» деп атап кеткен Оспанбек Оразбекұлы мұндағы балаларға жиі келіп тұрады. Бүгін де осы мекемеде балалармен тілдесіп отырған сәтінің үстінен түстік.
Құралай Сейсенбекқызы