Елімізде жер-жаhанға зор қауіп төндірген пандемияға қарсы күрес әлі де жалғасуда. Кешенді шаралар Жамбыл облысында да жүргізілуде. Аталған істен жергілікті жомарт жандар да қалыс қалып жатқан жоқ. Мәселен, жуырда Т. Рысқұлов ауданы Құлан ауылының тумасы Ардақ Әшімбекұлы өзінің және отбасының атынан аудандық ауруханаға 10 миллионға жуық  қаржыға тұрғындарға медициналық көмек көрсетуге қажетті медициналық мақсаттағы құрал-жабдықтарды алып берді.

Оның ішінде фармацевтикалық тоңазытқыш, дезкамера, дозатор, Бобров жабдығы, ауа рециркуляторы, жылжымалы кварц лампасы, медициналық бетперделер мен қолғаптар, көзілдіріктер, жеке қорғаныш киімдері де бар.

– Аймағымызда осындай демеушілік көмек көрсетіп жүрген жомарт жандар әлі барлығы көңілге қуаныш ұялатады. Пандемия кезінде қол ұшын созып, демеу­шілік білдірген жомарт жан, ҚР Мемлекеттік күзет қызметі  басшысының орынбасары, генерал Ардақ Әшімбекұлына алғысымызды білдіреміз. Мұндай көмек көрсетуге арналған қажетті медициналық құрал-жабдықтар қауіп­ті індетке шалдыққан нау­қас­тардың тезірек сауығуына, отбасына аман-есен орал­­уына септігін тигізері сөзсіз, – дейді Т.Рысқұлов аудандық орталық ауруханасының емдеу ісі жөніндегі орынбасары Раушан Көшербекқызы.