Меркіде аудандар арасында алғашқы иппотерапия бөлімі ашылды

Ел Тәуелсіздігінің  30 жылдығына орай Меркі аудандық мүгедек балаларды оңалту  және бейімдеу орталығында аудандар арасында алғашқы иппотерапия бөлімі ашылды. Мұнда қазіргі таңда 25 мүмкіндігі шектеулі бала сапалы білім, саналы тәрбиемен қатар тиісті емін алып отыр.

Аталған орталық 2018 жылы ашылған болатын. Орталықта енді ауыл балалары да атқа мініп ем қабылдайтын болды.

Жалпы аумағы 1406,0 шаршы метрді құрайтын орталықта қазіргі таңда 25 бала тәрбиеленуде. Оларға 30 маман қызмет көрсетеді.

Салтанатты сәтте Nur Otan партиясы Меркі аудандық филиалы  төрағасының бірінші орынбасары Гүлайым Шағатаева, аудандық ардагерлер кеңесінің төрағасы Қамбар Иманалиев, ата-аналар сөз сөйлеп, алғыстарын жеткізді.