Облыс әкімі оқушыларды марапаттады
Аталған байқау 7-10 сынып оқушылары арасында өткен еді
Жамбыл облысының әкімі Ербол Қарашөкеев “Мен Қазақстан экологиясын жақсартуға қандай үлес қосамын?” тақырыбында өткен облыстық шығармалар конкурсының жеңімпаздарын марапаттады,- деп хабарлайды Jambylinfo.kz
Салтанатты рәсімге облыс әкімі арнайы қатысып, талапты оқушыларды құттықтады.
Сонымен қатар жас экологтарға «Jambyl Cement» компаниясы атынан велосипедтер табысталды.
Айта кетейік, байқауға барлығы 2 530 оқушы қатысқан. Оның ішінде 3 үздік шығарма иесі – Т.Рысқұлов ауданынан Керімбек Нұрали, Жуалы ауданынан Артықбай Айдын және Тараз қаласынан Айтбай Заңғар жеңімпаз атанды.