Ревакцинация: Жамбылда жазасын өтеушілер үшінші рет екпе алды

Бүгінде елімізде коронавирусқа қарсы ревакцинация басталғаны белгілі. Қайта вакцинациялау жұмыстары Таразда қаласындағы түзету мекемелерінде де жүргізіліп, сотталған азаматтар екпе қабылдады. 9 ай бұрын «Спутник V» вакцинасын алған жазалы жандарға бұл жолы «QazVac» вакцинасы салынды. «ҚР Бас санитар дәрігерінің №49 қаулысына сәйкес 22 қарашадан бастап елімізде ревакцинация басталды. Қазіргі таңда 78 сотталған азаматқа үшінші рет екпе салынды. Қоғам арасында вирустың таралуын төмендету мақсатында, сонымен қатар індеттен қорғанып, пандемия ертерек аяқталуы үшін екпе еккізу баршамыз үшін маңызды, - деді ЖД-158/5 мекемесінің бастығы әділет подполковнигі Бақытжан Шарипбеков. Айнура Бателова, ЖД-158/5 мекемесінің босатылатын сотталғандардың еңбегімен тұрмысын ұйымдастыру тобының инспекторы әділет аға лейтенанты