ҚР Парламенті Сенатының депутаты Дархан Қыдыралы Жамбыл облысына жұмыс сапарымен келді, деп хабарлайды Jambylinfo.kz 

Сапар аясында Сенат депутаты ең алдымен Тараз қаласындағы маңызды тарихи-мәдени орындардың бірі – «Даңқ залы» мен Халық қаһарманы Бауыржан Момышұлына арналған музейге арнайы барды.

Дархан Қыдыралы аталған нысандарды аралап, ондағы құнды жәдігерлермен және батыр бабамыздың өмірі мен ерлігіне арналған материалдармен танысты. Экскурсияны облыстық музей қызметкерлері жүргізіп, экспозициялар жайында жан-жақты ақпарат ұсынды.

Депутат өз кезегінде батыр бабамыздың рухын ұлықтаудағы музей жұмысының маңыздылығын атап өтіп, мұндай нысандардың жас ұрпаққа тәлім-тәрбие берудегі рөлін жоғары бағалады.