Шу қаласында жаппай атыста төрт жігітті жаралап, біреуін өлтірген күдіктілер ұсталды

ШУ. ҚазАқпарат - Шудағы атысқа қатысы бар күдіктілер қамауға алынды. Полиция қызметкерлері оқиғаға қатысқандардың бәрі анықталды, деп хабарлайды ҚазАқпарат. Аталған дерек бойынша Қылмыстық кодекстің 99-бабының 2-бөлігі 1-тармағымен сотқа дейінгі тергеу амалдары басталды. Оқиғаның екі белсенді қатысушысы - 22 және 27 жастағы Шу қаласының тұрғындары уақытша ұстау изоляторына қамалды, үшінші күдіктіге қатысты тергеу жүріп жатыр. Нәтижесіне сәйкес қамаққа алу мәселесі қаралады. Сондай-ақ тағы бір күдіктіге халықаралық іздеу жарияланды. Жамбыл облысы ПД бастығынын орынбасары Алмас Саламатовтың айтуынша, кеше кешке Шу ауданының орталық ауруханасына 23, 25, 26 жастағы төрт жігіт жеткізілген. Төртеуі де атыс қаруынан ауыр жарақат алған. Еске сала кетейік, оның біреуі ауруханада көз жұмды.