Әскерде көз жұмған Әлібек Қалбайдың ісі: Айыпты деп танылған сарбаз 9 жылға сотталды

Алматы гарнизоны әскери сотында әскерде қайтыс болған сарбаз Әлібек Қалбайдың өліміне кінәлі деп танылған Айболат Аманжоловқа сот үкімі шықты. Ол қылмыстық кодекстің 440-бабының 4-бөлігі бойынша кінәлі деп танылып, 9 жылға бас бостандығынан айырылды. Аманжоловтың туыстары бұл үкіммен келіспей, жоғары инстанцияға шағымданғалы отыр.