Тәртіпке бағынбаған тараздық кәсіпкерлерден 10 млн. теңгеге жуық айыппұл өндірілген

Дүние жүзін үрей құшағында ұстаған биылғы пандемияның салқыны біздің елімізді айналып өткен жоқ. Алайда салдары ауыр соққан індет облыс орталығындағы мейрамханалардың иелері сабақ алмаған секілді. Мұны Тараз қаласы әкімдігінің жанынан құрылған мобильдік штабтың арнайы ұйымдастырған рейдтерінің нәтижесінен көруге болады. Аталмыш мәселе қала әкімінің орынбасары Алмас Садубаевтың қатысуымен өткен жиында сөз болды. Басқосуға шаһардағы мейрамханалардың басшылары мен БАҚ өкілдері қатысты.

Алмас Қадірбекұлының айтуынша, шаһарда салынған тыйымға қарамастан, мейрамханалардың мейманасы тасып, кәсібін жалғастырып жатқандары бар.

Мұнан соң сөз алған Тараз қаласының жергілікті полиция қызметінің бөлім басшысы, полиция полковнигі Сәбит Мамытбеков, мейрамхана қожайындарына карантин шараларын бұзғаны үшін жауапкершілік барын ескертіп, санитарлық нормаларды сақтауға шақырады.

Десе де, наурыз айынан бері жұмысы тұралаған мейрамхана иелерінің де айтар уәждары жоқ емес.

Сол секілді басқа мейрамхана өкілдері де өз ұсыныстарын жеткізді. Олардың айтуынша, тек мейрамханалар мен тойханалар ғана індеттің ошағы емес, сенбі мен жексенбіні есептемегенде базар мен кішігірім дәмханаларда да санитралық режимнің сақталмай жатқанын, адамдардың бір-бірімен басқа да көпшілік орындарда беталды араласып жатқанын тілге тиек етті.

Жиын соңында қала әкімінің орынбасары Алмас Садубаев, жиынға қатысушыларды сабырға шақырып, бірігіп жұмыс жасауға шақырды.

Айжан Өзбекова