Тараз қаласы әкімінің 2022 жылғы 27 мамырдағы өкімімен Исмаил Қайрат Абилханұлы Тараз қаласы әкімінің орынбасары қызметіне тағайындалды. Ол 1978 жылы 8 сәуірде Жамбыл облысы, Тараз қаласында туылған. 2000 жылы Қазақстан Республикасының Ішкі Істер Министрлігінің Қарағанды заң институты «құқықтану» мамандығы бойынша бітірген. Еңбек жолы: Еңбек жолын, 1996 жылы Қазақстан Республикасы ІІМ Қарағанды Заң институтының тыңдаушысы болып бастаған. 2000 – 2001 жылдары Жамбыл облыстық Ішкі Істер басқармасының тергеушісі, аға тергеушісі; 2001 – 2008 жылдары Қазақстан Республикасы Ұлттық Қауіпсіздік Комитетінің Жамбыл облысы бойынша Департаментінің жедел уәкіл, аға жедел уәкіл, бөлім бастығы; 2010 – 2013 жылдары «Қазақстан Халық банкі» акционерлік қоғамына қарасты «КСС»Жауапкершілігі шектеулі серіктестігінің Жамбыл облысы бойынша өкілдігінің бас менеджері; 2013 – 2014 жылдары Бәйтерек ауылдық округі әкімі аппаратының құжаттама құрылымдық бөлімшесінің басшысы; 2014 – 2016 жылдары Байзақ ауданы әкімі аппаратының ұйымдастыру және мемлекеттік – құқықтық жұмыс бөлімшесінің басшысы; 2016 – 2017 жылдары Диқан ауылдық округінің әкімі; 2017 – 2018 жылдары Жамбыл облысы әкімі аппаратының құқық қорғау органдарымен жұмыс және құқықтық қамтамасыз ету бөлімінің облыс әкімінің бас инспекторы; 2018 жылдары Жамбыл облысы әкімі аппаратының ұйымдастыру – инспекторлық бөлімі облыс әкімінің бас инспекторы; 2018 – 2019 жылдары Жамбыл облысы әкімі аппаратының қаржы – экономикалық бөлімінің басшысы; 2019 – 2022 жылдары Байзақ ауданы әкімінің орынбасары; 2022 жылғы 27 мамырынан бастап Тараз қаласы әкімінің өкімімен Тараз қаласы әкімінің орынбасары лауазымына тағайындалды.