ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті білім басқармасымен берлесе отырып №4 Үлгілік базалық бағыт жобаларын іске асыру және комплаенс-қызметіне жауапты мамандарға арналған семинар өткізді, деп хабарлайды Jambylinfo.kz 

Жиын барысында заңмен белгіленген қаржылық бақылау тетіктерін сақтау, сыбайлас жемқорлыққа қарсы шектеулер мен талаптарды орындау сынды маңызды мәселелер бойынша жан-жақты ақпарат айтылды.

Семинарда сыбайлас жемқорлыққа қарсы іс-қимыл агенттігінің өкілдері баяндама жасап, комплаенс-қызметінің тиімділігін арттыру жолдарын айтып, жиын қатысушыларын барынша белсенді болуға шақырды.

Сонымен қатар, спикерлер комплаенс-қызметінің негізгі міндеттерін нақтылап, ішкі талдау жұмыстарын жүйелі түрде жетілдіру, сыбайлас жемқорлық тәуекелдерін дер кезінде анықтау бойынша бірқатар нақты ұсыныстар енгізілді.