Барлық Төреханов Тараз қаласы әкімінің өкімімен Тараз қаласы Әулиеата ауданы әкімі болып тағайындалды,- деп хабарлайды Jambylinfo.kz

Барлық Төреханов 1979 жылы дүниеге келген.

Білімі жоғары.

Астана қаласында Д.А.Қонаев атындағы университетін заңтану мамандығы;
Алматы қаласында Д.А.Қонаев атындағы көлік және құқық гуманитарлық университетін экономика мамандығы;
Қазақстан Республикасы Президентінің жанындағы Мемлекеттік басқару академиясы жанындағы Мемлекеттік саясаттың ұлттық мектебін саясаттану мамандығы;
«Қоғамдық саясат және менеджмент» мамандығы бойынша Дюк университетін (Солтүстік Каролина штаты, АҚШ) аяқтаған, Заңгерлер қауымдастығының мүшесі.

Еңбек жолын 2000 жылдан бастаған:

«Ақнұр» жауапкершілігі шектеулі серіктестігі директорының орынбасары;
Астана қаласында «Асыл түлік» акционерлік қоғамының заңгері;
Ақмола облысында «Строй Групп Монолит» жауапкершілігі шектеулі серіктестігінің заң бөлімінің бастығы;
Астана қаласында «Жылжымайтын мүлік орталығы» Республикалық Мемлекеттік қазыналық кәсіпорнының адвокаттық қызметке байланысты емес құқықтық қызмет көрсету, нотариалдық куәландыру, міндетті емес шарттарды тіркеу құқығы бойынша бөлімнің бастығы;
Алматы қаласы Түрксіб аудандық Әділет басқармасының бастығы;
Алматы қаласы Әділет департаменті бастығының орынбасары;
«Samruk-Kazyna Trust» корпорациялық қорында жобалау басқармасы департаментінің директоры;
Алматы облысы Талғар ауданы әкімінің орынбасары;
Соңғы жылдары Ұлттық экономика министрлігі Табиғи монополияларды реттеу комитетінің Жамбыл облысы департаменті басшысының орынбасары және жоғарыда аталған комитеттің Алматы облысы бойынша департаментінің басшысы қызметтерін атқарған.

2025 жылдың 8 мамырынан бастап Тараз қаласы Әулиеата ауданы әкімі болып тағайындалды.