Таразда жүргізуші куәлігін заңсыз сатқан 7 адам сотталды
Бұл туралы прокуратура мәлім етті
Тараз қаласында жүргізуші куәліктерін заңсыз сатқан 7 тұлға сотталды,- деп хабарлайды Jambylinfo.kz
2023 жылдың қыркүйегінде облыстық Полиция департаментінің қызметкерлері жедел іс-шаралар барысында Тараз қалалық мамандандырылған халыққа қызмет көрсету орталығында (МХҚКО) жүргізуші куәлігін заңсыз сатқан адамдар тобын әшкерелеген.
МХҚКО-ның 2 қызметкері, 1 программист маман, 4 делдал алдын ала сөз байласу арқылы ақша қаражатына Жамбыл, Түркістан және Алматы облысының 21 тұрғынына заңсыз жүргізуші куәліктерін жасаған.
Аталған азаматтар бұрын емтихан тапсыра алмай, көлік жүргізу құқығын алмаған.
Осы тектес қылмыстық схема 20 азаматқа қатысты орын алған.