Жамбыл облысында ана мен бала денсаулығын қорғау саласын дамытуға бағытталған тағы бір маңызды жоба қолға алынды. 150 төсек-орынға арналған заманауи перинаталдық орталықтың құрылысы 2027–2029 жылдары жүзеге асырылмақ.

Нысан Тараз қаласындағы Асқаров көшесінің соңында орналасады. Құрылыс үшін 5,76 гектар жер телімі бөлінді. 2026 жылы жобалау-сметалық құжаттаманы әзірлеу жұмыстары басталады.

Жаңа орталық жүкті әйелдерге, босанатын және босанған аналарға, сондай-ақ жаңа туған сәбилерге жоғары технологиялық көмек көрсетуге арналған заманауи жабдықтармен қамтамасыз етіледі. Мұнда неонатология, реанимация, перзентхана бөлімдері және консультациялық-диагностикалық қызметтер жұмыс істейтін болады.

Жобаның жүзеге асуы өңірде перинаталдық көмектің сапасын арттырып, ана мен бала өлім-жітімін азайтуға мүмкіндік береді.