Таразда жылқы мінген 7 жастағы баланы көлік қағып кетті
Оқиға Тараз қаласындағы көшелердің бірінде болған.
Алған қатты соққыдан жануар сол жерде жан тапсырған. Ал бала дереу ауруханаға жеткізіліп, оған шұғыл операция жасалған, деп хабарлайды Jambylinfo.kz
Куәгерлердің айтуынша, ат белгісіз себептен үркіп кеткен.
Сонымен қатар, баланың «Toyota» маркалы автокөліктің артқы бөлігіне соғылғаны белгілі болды.
Жарақат алған шабандоздың бас сүйегі сынған, иығы шығып кеткен. Қазіргі уақытта ол медициналық мекемеде ем қабылдап жатыр.
Полиция өкілдері ата-аналарды балалардың қауіпсіздігіне бейжай қарамауға шақырып, бұл бағытта заң аясында жауапкершілік қарастырылғанын еске салды.