Былтыр кәсіпкер мемлекеттен 5 миллион теңге грант ұтып, кәсібін бастап кеткен. Ал, қазір ол 4 адамды жұмыспен қамтып, оларға 150 000 жалақы төлеп отыр. 

«Құрманың пайдасы зор. Оны көпшілік біледі. Сиыр сүтінің пайдасын бәріміз білеміз. Құрма сүтін жасау үшін алдымен пальма құрмасын сүйегінен тазартып, жеке қайнатады. Тосапқа айналған тұста сүтке қосып, қайтадан 90 градуста қайнатады.  Шағын цехта тәулігіне 400-800-ге дейін құты тауар шығып жатыр. Олар Тараздағы  ірі сауда орындарында сатылып жатыр. Бір құтыда 500 грам сүт болады. Бағасы 500 теңге. Сұраныс күннен күнге өсіп жатыр»,-деді Мұхит Қалқабаев.

Кәсіпкердің айтуынша, өнімге сұраныс өте жоғары және алдағы уақытта жұмыс өнімділігін он есе көбейту жоспарда бар. 

«Бір өніммен ғана тоқтап қалмаймыз. Жақында тағы бір өніміміз шығады. Ол пальма құрмасының сүйегінен дайындалатын кофе. Қазір  жасалу технологиясын дайындап жатырмыз. Жақын уақытта біздің кофемізді дүкен-сөрелерінен көресіздер", - деді кәсіпкер.