Тараздық тұрғындардан ауа райының қолайсыздығына байланысты сағат 17:00-ге дейін 128 өтініш түскен

Ауа райына байланысты Бірыңғай диспетчерлік қызметіне барлығы 229 өтініш түскен, оның ішінде 77 өтініш өңделіп толық жауап ұсынылған, 152 өтініш өңделу барысында деп хабарлайды Жамбылинфо. Оның ішінде 67 оқиға, 1 арыз, 1 алғыс, 160 кеңес берілді. Ауа райының қолайсыздығына байланысты 10 қаңтар күні 17:00-ге дейін 128 өтініш тіркелді. 21 өтініш өңделіп толық жауап ұсынылды, 107 өтініш өңделу барысында. Олар:

1. Газбен жабдықтау мәселесі бойынша-2 өтініш түскен. (Тараз қаласы-1, Жуалы ауданы бойынша-1).Жауапты мекеме «ҚазТрансГаз Аймақ» АҚ филиалы.
2. Тал құлау мәселесі бойынша-10 өтініш. Жауапты мекеме «Жасыл Ел-Тараз» ЖШС.
3. Шатырдың құлауы бойынша-1 өтініш. Жауапты мекеме «Жасыл Ел-Тараз» ЖШС.
4. Жарықпен қамтамасыз ету мәселесі бойынша-74 өтініш түсті. Жауапты мекеме «Жамбыл Электр Желілері» ЖШС.
5. Аудандық электр желісі бойынша-3 өтініш. (Байзақ ауданы-1, Жамбыл ауданы-2 өтініш). Жауапты мекеме «Жамбыл Электр Желілері» ЖШС.
6. Бағдаршам мен жол белгілері бойынша-5 өтініш. Жауапты мекеме «Строй монтаж group» ЖШС.
7. ТҚӘ Құрылыс бөліміне қатысты жарық мәселесі бойыша-6 өтініш. «Ұлы дала» м/а бойынша.
8. Лифт мәселесі бойынша-2 өтініш. Жауапты мекеме ТҚӘ «Тұрғын үй қатынастар бөлімі».
9. Су мәселесі бойынша-4 өтініш. («ЖУАЛЫ-СУ» МКК-1, «ИГІЛІК» МКК-1, Сарысу әкім аппараты-1, ТҚӘ «Тұрғын үй-коммуналдық шаруашылық, жолаушылар көлігі және автомобиль жолдары бөлімі»-1).

Барлық өтініштер бойынша жауапты мекемелерге хабарланды, жұмыстар жүргізілуде.