Бүгін Таразда «Таза Қазақстан» экологиялық акциясы аясында жастардың қатысуымен тазалық жұмыстары жүргізілді, деп хабарлайды Jambylinfo.kz

Жамбыл облысы әкімдігінің ақпарат және қоғамдық даму басқармасының "Жастар ресурстық орталығы" КММ-нің ұйымдастырған экологиялық шара 9 шағынауданда өтті. Мұнда 7 және 11 тұрғын үй кешенінің аумағын тазалауға 50 – ден аса қала жастары қатысты.

- Эко акция қоршаған ортаға ұқыпты қараудан бастап, халық арасында жоғары азаматтық жауапкершілік пен экологиялық мәдениетті тәрбиелеу секілді бірнеше құндылықты қалыптастыруға бағытталған. Қала тұрғындарын тазалық пен тәртіпті қамтамасыз етуге өз үлестерін қосуға шақырамыз, - деді қала тұрғыны Ақәділ Мейірманов.