Павлодар қаласында волейболдан ерлердің Ұлттық лига командалары арасында ХХХІІ Қазақстан чемпионатында жартылай финалға шыққан клубтар толық анықталды, деп хабарлайды jambylinfo.kz. kaz.inform.kz-ке сілтеме жасай отырып.
Плей-офф бәсекесінде «Тараз» бен «Ақтөбе» командаларының жолдары түйісті.
Бұл кездесуде «Тараз» өзінің фаворит екендігін дәлелдеп, 3:1 (25:18, 25:21, 24:26, 25:17) есебімен жеңіске жетті.
Сондай-ақ өткен жылғы ел чемпионы «Павлодар» клубы «Жетісу жастарын» 3:0 (25:18, 30:28, 25:23) есебімен тізе бүктірді.
Осылайша, жартылай финалда «Павлодар» - «Есіл» (СҚО), «Тараз» - «Атырау» командалары өзара мықтыны анықтайды. Екі жеңіске қол жеткізген клуб финалға жолдама алады.
Қалған командалар 5-8 орындар үшін таласады.
Еске сала кетейік, бұдан бұрын волейболдан Қазақстан чемпионатында «Есіл» мен «Атырау» жартылай финалға жолдама алған.
Алдыңғы мақала
Келесі мақала
Ерке мен Райым елден кетті
Ұқсас жаңалықтар
