Жамбыл облысында бюджет қаражатын жымқырған медицина қызметкерлері сотталды
Бұл туралы Сыбайлас жемқорлыққа қарсы күрес агенттігі мәлімдеді.
Тараз қалалық соты Жамбыл облысының Қалалық көпсалалы ауруханасының бас дәрігерінің экономикалық және әкімшілік-шаруашылық қамтамасыз ету жөніндегі орынбасары С. Шаушенова мен бас бухгалтер А. Достаеваға қатысты үкім шығарды, - деп хабарлайды Jambylinfo.kz
Агенттіктің мәліметіне сәйкес, олар «Қайрат Құрылыс-ҚК» ЖШС-не аффилирленген кәсіпорынға жалған құжаттар арқылы заңсыз аударымдар жасау арқылы 758 миллион теңгеден астам бюджет қаражатын жымқырғаны үшін кінәлі деп танылды.