Жамбыл облысында әлі де бір жол участогы жабық

«ҚазАвтоЖол» компаниясы 3 ақпан күні Қазақстанның үш облысында кейбір жол участогы жабық екенін хабарлады. Жамбыл облысы бойынша Кенен ауылынан Қайнар ауылына апаратын аумақта жол жабық, деп хабарлайды jambylinfo.kz.

Ауа райының қолайсыздығына байланысты үш облыстың кейбір аумақтарында жол жабылып отыр.

Соның ішінде, Жамбыл облысы бойынша  Алматы-Ташкент-Термез трассасының 159-238 шақырым, Кенен ауылынан Қайнар ауылына дейінгі 79 шақырым жол жабық. Қостанай облысы бойынша Жезқазған-Петропавл тас жолының 252-335 шақырымы жабық. Ұлытау облысы бойынша осы трассаның 137-252 шақырымында жол жабық. Қазір республикалық маңызы бар жолдарда 375 техника мен 536 адам жолдарды қардан тазалап жатыр.