Қазақстан Республикасының Президенті Қасым-Жомарт Тоқаевтың тапсырмасы негізінде Жамбыл облысында нашақорлықтың алдын алу мақсатында өңірлік кеңес құрылды, - деп хабарлайды Jambylinfo.kz

Бұл кеңестің басты міндеті – халықты есірткіге қарсы күреске тарту, алдын алу шараларын жетілдіру және жастар арасында салауатты өмір салтын насихаттауды арттыру.

Кеңес төрағасы болып ПД бастығының бірінші орынбасары М. Қанапияев тағайындалды. Сонымен қатар, оның орынбасарлары ретінде ПД Есірткі қылмысына қарсы іс-қимыл басқармасы бастығының міндетін атқарушы А. Жұмабеков пен Халықаралық Тараз университетінің ректоры М. Сарыбеков бекітілді.

Кеңес мүшелері алдағы уақытта жүзеге асырылатын іс-шаралар жоспарын талқылап, негізгі бағыттарды анықтады.