Жамбыл облысындағы коронавирустың ағымдағы жағдайы туралы

Ағымдағы жылдың 5 тамызындағы жағдай бойынша Жамбыл облысында коронавирустық инфекцияның 40 жағдайы тіркелді, оның 14-і симптомдық, 26-ы симптомсыз. Атап айтсақ, Тараз қаласында 37-70 жас аралығындағы тұрғындар арасында 6, Қордай ауданында 23-80 жас аралығындағы тұрғындар арасында 6, Меркі ауданында 1947, 1966 жылдары тұрғындар арасында 2 сиптомдық жағдай анықталды. Барлық симптомдық тасымалдаушылар инфекциялық және правизорлық стационарларда ем алуда. Олармен байланыста болған тұлғалар карантинге оқшауланды. Ошақтарда қорытынды дезинфекциялық шаралар жүргізілді. Сондай-ақ, өткен тәулік ішінде Қордай ауданында 17 симптомсыз жағдай расталды. Науқастардың ең кішісі – бір жаста, ең үлкені - 63 жаста. Бұдан бөлек симптомсыз коронавирус Тараз қаласының 5 тұрғынынан, Шу ауданының 3 және Мойынқұм ауданының 1 тұрғынынан табылды. Олардың барлығы үй карантиніне алынды. Жалпы, ағымдағы жыылдың 5 тамызындағы жағдай бойынша Жамбыл облысында коронавирустық инфекцияның 3764 жағдайы тіркелсе, барлығы 3074 науқас емделіп шықты.