Сейсмологиялық зерттеулер институтының мәліметінше, жер сілкінісінің эпицентрі Тәжікстан аумағында, Алматы қаласынан оңтүстік-батысқа қарай 338 шақырым қашықтықта орналасқан, деп хабарлайды Jambylinfo.kz 

Тербеліс Құлан ауылында 3 балл, ал Меркіде 2 балл шамасында байқалды.

Зардап шеккендер мен қираған нысандар тіркелмеген.

Айта кетейік, бүгін Шығыс Қазақстан облысында да жер сілкінісі болды. Өскеменде 2 балл, Қатон-Қарағай ауданында 3 баллдық тербеліс сезілген.