Жамбыл облысының 85 жылдық мерейтойына арналған бәйгеден ашық турнир өз мәресіне жетті. Бас жүлдені шығысқазақстандық шабандоз қанжығасына байлады, деп хабарлайды Jambylinfo.kz 

Салтанатты шараның ашылуында дене шынықтыру және спорт басқармасының басшысы Ернар Ибраимов құттықтау сөз сөйлеп, шабандоздарға сәттілік тіледі. 
Аламан бәйге өте тартысты өтті. Көптің ішінен суырылып шыққан  Шығыс Қазақстан облысының Күршім ауданынан келген Көксерек атты тұлпарды тізгіндеген Нұрел Елесов жеңімпаз атанды. Ал екінші орынды алматылық шабандоз қанжығасына байласа, үшінші орынды Меркі ауданынан келген Нұрхат Манасбек еншіледі.

Айта кетейік, байгенің жүлде қоры жалпы 11 млн 900 мың теңгені құрады. Аламан бәйгеде топ жарған шабандоз  3 млн. 600 000 теңге иеленді.