Жамбыл облысының құтқарушылары Астана қаласына жол тартты
2024 жылғы 28 наурызда Жамбыл облысы Төтенше жағдайлар департаментінің күштері мен құралдары Астана қаласына бағыт алды, деп хабарлайды jambylinfo.kz.
28 наурызда Жамбыл облысы Төтенше жағдайлар департаментінің 57 қызметкері және 7 бірлік техника, 13 дана мотопомпа Тараз қаласынан Астана қаласына жолға шықты. Жамбылдық құтқарушылар су тасқыны болып жатқан өңірлерге көмектеседі.
Еліміздің кейбір өңірлерін су басып жатыр. Сондықтан, Төтенше жағдайлар министрлігінің барлық бөлімшелері күшейтілген режимге көшті. Қазір елімізде құтқарушылар су басқан аумақтарда төтенше жағдайларды жойып жатыр.
Тахмина Әшірбай
М.Х.Дулати атындағы Тараз өңірлік университетінің 4 курс студенті