Жамбыл құсбегі ел чемпионы атанды
Орал қаласында өтіп жатқан құсбегіліктен ересектер арасындағы ел чемпионаты өз мәресіне жетті.
20–21 ақпан күндері Орал қаласында қысқы спорт түрлерінен “Oral Winter Fest – 2026” фестивалі өтті, деп хабарлайды Jambylinfo.kz
Фестиваль аясында ересектер арасындағы құсбегіліктен Қазақстан Республикасының XIX чемпионаты ұйымдастырылды. Дүбірлі додаға еліміздің барлық өңірінен 70-ке жуық сайыпқыран қатысып, ұлттық спорттың мәртебесін асқақтатты.
Қыран құстарды баптау мен баулу өнерін танытқан саятшылар көрермендерге ата-бабадан жеткен текті мұраның көрінісін паш етті.
Құсбегілікті жетік меңгерген меркілік жас құсбегі Бақдәулет Бабажан аталған чемпионатта жоғары шеберлігін көрсетіп, ел чемпионы атанды.